Press "Enter" to skip to content

USA Ah 74nk Chin Miphun Ni Cu Tlamtling Tein An Tuah Kho

Avoi 74th nak kan Chin Miphun ni cu Chin Community of Indiana (CCI) President Pu Peter Thawnghmung, CCI Director Pu Cungbik Zaathang, CCI Office Manager Pu Moses Thawng Lian te pawl hruainak in nuam ngai le sullam ngei ngai in an kan tuah pi. Kumdang nak in minung kan tam tuk deuh hlei ah sullam a ngei, lung a si.

USA i kan Chin miphun cawlcangh ning zoh tik ah Pathian thimmi miphun kan si tiah kan Pastor pawl nih an kan ti tawn mi khi nihin ah a ka ruah ter tthan ngai ngai. Ka lung a si, kaa nuam nihin cu.. By- Daniel Sakhong

74th Chin National Day. Tu kum hi vulei pumpi pulrai ruang le Kawlram ah ralhrang nih uknak chuh ruang ah kan duhning in khoika kan umnak ram cio hmanh ah “Chin Miphun Ni” a hmang kho dirhmun ah kan um hna lo. Nihin tiang ah Chin Miphun Ni tuah aherhnak, runven aherhnak le Miphun Ni a sullam țhatein ai fiang rih lomi kan tam ngai rih hna.

Biahalnak Pawl; 1. 1948 Falam Conference hnu lawng in maw Chin miphun hi miphun tling kan si caah Chin Miphun Ni kan tuah? Cu hlan kum vialte kha ziah Chin Miphun Ni arak um lo, ziah an tuah lo?

2. Chinram cu ramuk bawi (Tribal Chiefs) pawl hruainak in mah le pengkulh cio rak humhim asi i mah ramuk bawi pawl uknak kan hrawh ni cu maw kan Miphun Ni tiah kan auh lai?

3. Chin miphun hi a zeizawn hi dah miphun tling (Nationality) kan sinak kan sum tah cu asi? Holh le nunphung mah tein angei cio mi Chinram chung um kan unau dang khi miphun tling an si ve ko lo maw timi biahalnak 3 hi biapi in ka chim te lai?

Atulio Kawl ralhrang uknak kan doh tikah kan karlak ah ti hmanh zut kho lo ding in zapi kutsih in țanți dih (Watertight Defence) aherh cem caan asinak zong ramkip nih uknak țha lo an rak dohnak i an cawlcangh ning cio he zoh chih in ka rak chim chih te lai.

February 20, 2022 (5:00PM Sunday) ah LIVE in ka rak chim te lai. Ca țial ding cun asau deuh caah KW Chin Community nih tuah mi 74th Chin National Day i LIVE thlahnak hmun ah rak kan leng cio te uh. Link kan vun thlah te lai. By- Victor Khen Sang, Feb 18, 2022

Shan-Kaya ramri ah faak ngai in kahdohnak a chuak caah ralhrang phu lei ralbawi telhin minung 40 nak tlawmlo an thi. Kahdohnak ah hin Tank 2 an rawk i sniper kahnak in minung 9 an thi, tiah theih a si. “Kaphnih kar faak ngai in kahdohnak a chuak i ralhrang phu hriamngan kahnak ruangah kanmah lei mi 20 an nunnak a liam.

Kahdohnak ah hin ralhrang phu lei raltuknak tank 2 a rawh leng ah ralhrang motor cheukhat zong an rawk. Minung 20 hrawng lawng an taan lio ah Vanlawng in an rak bawmh hna. Nihin cu ralhrang phu lei minung 40 leng an thi,” tiah mizapi ralkap lei in ṭuanvongeitu nih a chim.

Nizan February 18 ah Shan-Kaya ramri ah kahdohnak a faak a chuah kong le ralhrang tamlakte an thih kong cu Demoso PDF nih nizan ah cathanh an chuah ve. February 18, Shan-Kaya ramri ah a cangmi kahdohnak ruangah Demoso-PDF in minung 3 nih hliamhma an tuar i, mizapi vengtu ralkap phufonh lei zong in hliamtuar a um, tiah an cathanh ah an langhter.

Ralhrang phu hna cu Demoso-PDF, Mobae-PDF, Loikaw-PDF, Phekhung-PDF, KA, KNDF, KGZ, JPDF, GZ-21 le mizapi vengtu ralkap phufonh dangdang nih an doh hna. Ralhrang phu hna nih nihin February 19, zinglei ah Whirisupalai(ဝှါရီဆူးပလိုင်) khua mipi umnak inn cu meikhanghnak in an hrawh, tiah Demoso PDF nih cun an thanh. Credit; The Chin Post

Be First to Comment

Leave a Reply

Your email address will not be published.