Van Hlei Sung: 100% Mi Caah Kan Tuah Kan Timi Zong Khi A Donghnak Ahcun Kanmah Caah Kan Tuahmi An Rak Si
Bawipa Tu Ah I Phorlaw Hna Usih. 2 Corinth 10:17/ 100/100 mi caah kan tuah kan timi zong khi adonghnak ah cun kan mah caah kan tuah mi arak si. Pathian caah, miphun caah kan ti leen zongah kan mah cung tthiamtthiam ah arak tla.
Mah caah cun thilttha kan tuah, mi kan bawmh, Pathian caah rian kan ttuan kan ti zongah kan mah cungah ahlei in arak kir tthan timi kha philh hna hlah usih.
Thilttha tuah khawhnak thluachuah akan pek, thilttha kan tuah ah Amah lila nih thluachuah akan pek tthan. Kan mah tuahsernak aa tel loh.
Mah caah cun zeikong hmanh ah i phorhlaw hna hlah usih. Bawipa tu sunparnak pe ko hna usih. I phorhlawt kan duh ah cun Amah tu ah i phorhlaw ko hna usih. CREDIT; Van Hlei Sung
Pasal tha thisen luannak hmun nan lamh peng rih komi hi- 2022 November 18 zinglei sang ah pa dawh pumrua tha taktak a hawile a ralkap hawile nih kan bochan taktak mi Lt Lalrotluang cu zapi nih kan theih bang ramdang kal nakding passport tuahnak zung kutka hram ah mipi ca ah a thisen a luang.
– Hi a thisen a luan hlan, a luan hnu zong ah ramdang kal aa timmi mino thatha a sawm sawm a zaa zaa bakin passport rak i tuah a si (Zapi nih kan hngalh ).
– Kei cu ka hei ruat pasal tha thisen a luannak kutka hram ah ke in lamh ruangmang i nihin tiang passport kan i tuah rih mi ko hi cu CNA/F, CDF san kan tlaih lo ca ah maw a si hnga ka hei ti tawn
– Cu lawng hlah Hakha-Gangaw lam, Hakha-Falam lam i pasal tha hna mipi ca an thisen a luannak lampi zulh ngam in rili ral kan peh ngam rih mi khi ka tuksa a ka baar.
– Unau mino hna, atu caan hi tuanbia nih a kan pek mi ram ca ah riantuan, nunnak pek caan dawh a si cuh. Na mino hawi hna an thisen a luannak kutka hram, zalampi lamh i rili ral peh caan a si bak lo dawkaw… khua fak piin ruat hmanh.
– A kal cia mi cu an kal ko cang. Anmah thawng in nihin tiang ral kan tu kho, nihin tiang anmah thawng in kan ding ei kho.
– Hi khuapau dothlennak hi heintei usihlaw an thisen lamh in rili ral na pehnak khan an thisen lamh in na rak kir ngam ti hnga maw?
– Unau a taang mi na mino ralkap hi a karh lei si loin a zor lei dawh kan si cang. Nangmah dawh kan in herh tuk hringhran. Unau ka mino hawi fak piin ruat ve hmanh.
– Kan ral kan tei hlan ah kanmah le kanmah kan i tei hmasa a herh hi mu. Nangmah le nangmah tei khawh i zuam le kan sin ahhin nuam tein ral rak tu hram ko sawh mu kawi…
– Zeitluk in na thazaang a derthawm zong ah na lungthin a thawn ko ahcun kan sin ahhin nuam tein ral raktu hram ve ko mu
“A lungdong balmi kan si ca ah a kan tei kho hrimhrim lai lo,” Kawi rak ra ve, pasaltha thisen a luannak kutka kha va lam ti hlah mu. Photo/ Hakha Passport zung. Credit: Salai Tluangte
