Vawlei Cung Ralpi A Voi Thumnak Cu Russia Le Ukarain Nih An thawh Ter Cang
Vanlawng (5) Bak Kan Kah Thlak Tiah Ukarain Nih Thawng Thanh!Tuzing lei in cun Russia ralkap nih Ukarain ram tukdohnak tuah hram an thawk ruangah Russia vanlawng (5) le helikopter (1) cu kan kah thlak tiah Ukarain ralkap nih an chim.
UNO zulhphung section 51 ningin mah le mah i vennak le i khamnak caah kan tuahmi a si i, Ukarain ralkap hna nih ramri chungah luhhnawhnak tuah in kahdohnak tuah a timhtu kan ral pawl cu zoh dawh ngaiin lehrulhnak an tuah kho tiah Ukarain ramchung runvennak zung nih cathanh an chuah.
Boruak dirhmun cu kan control kho i, Russia ralkap an sungh tiah a chim chih.Sihmanhsehlaw Russia ralkap nih cun kan vanlawng an kan kah thlak piak lo tiah an i phehnak cu anmah ramchung thawngzamhnak pakhat TASS nih a langhter.Ukarain ram kahdohnak kong he pehtlai in cathanh an chuahmi kongah vawlei cung thawngzamhnak dangdang nih cun an fehter kho lo tiah theih a si.
Ukarain Ramchung Hmun Tampi Cu Russia Nih Kah!Russia President Putin nih Ukarain cu raltho dingin thawngthanhnak a tuah hnuin Ukarain ramchung hmun tampi ah a puakmi thawng lawngte an theih cang i, dungci (rocket) hmangin an kah tiah vawlei cung thawngzamhnak ah an langhter.
Ukarain cozah zong nih Russia nih timh ciam tein a kan kah tiah chimphuannak a ngeih hnuah ramchung mipi hna cu himnak hmunah an zaamter hna tiah cathanh an chuahmi ahcun an langhter.Russia Nih A Kan Kah Ruangah Sml 1:00 Chungah Minung (100) Leng Thihnak Kan Tong Tiah Ukarain Nih Chim!
President Putin nih Ukarain cu raltho dingin thawng a thanh hnu, sml 1:00 chungah Russia ralkap i kahdohnak ruangah Ukarain ramchung hmunkip ah a thimi (100) an um cang tiah Ukarain ramchung runvennak zung nih cathanh an chuah tiin CNN nih a langhter.
Ukarain ralkap le vanlawng umnak sakhan umnak hna cu timh cia tein an kahmi a si i, a thimi zat hi fiang tein theihfian a si rih lo tiah an langhter.Ukarain ramchung ah kahdohnak kan tuah lai tiah President Putin nih Febuary 24 ah ramchung channel hmangin thawngthanhnak a tuah hnuin Ukarain khualipi telh in khuapi dangdang zongah bomb a puak thlahmah cang.
Russia ralkap hna cu Kha Yang Myi Ya (ခရိုင်းမီးယား) thlanglei sangin Ukarain ramchung ah an lut tiah CNN nih a langhter.Ukarain ramchung ah laakhruak thawng thanhnak an tuah colh i, mipi tampi zong himnak hmun ah an zaam tiah Deltanewsagency nih a tial.
