Press "Enter" to skip to content

Vawlei Cungah Top 10 A Phanmi Tili Chunglut Sangphawlawng (Tinbaw) Hna

Thazang a thawngmi ram ngan nihcun kum fatintein dollar billion tiang dihin an ram thawnnak an chap chin lengmang tawn. Ram kip tiawk in an ram himdamnak lei hrangah cunglei ralkap le tilei ralkap hna thazang cu an thawnter tawn hna. mah thil hna cu amak tukmi zongah kan ruat cio tihna lo, mahle ram cio himdamnak le thawn nak cu duhcio asi.

Tutan zongah hin thazang athawngmi ram hra hna kan rak langhter laii kan langhtermi chungah an ruahlo tukmi ram anrak itel zongah GFC ningin langhtermi asi tikha theihthiam aherh lai. Ti chung lut tinbaw hna zeitluk indah an rak biapit tiah cun 1942-1945 kum chungah khan Pacific rili chungah Japan ram chawlehthalnak tinbaw hna cu an rak hrawh dih dengmang kha asi.

1. Norht Korea (tichunglut tinbaw 78). Tichunglut tinbaw tambik angeitu North Korea nihcun adihlak ah 78 tiang angeih. Mah hna dihlak cu diesel-electronic tinbaw an si dih hna. Noth Korea Yona Class tiah kawhmi tichunglut tinbaw pakhat nihcun 2020 kum lioah South Korea raltuknak tilawng cu pil laktein an rak thuat khawh.

North Korea ram cu tichunglut tinbaw tambik angeitu asiko nain Soviet hman thingmi hna le an ramchung sermi tichunglut tinbaw tete hna an sitikah hin can saupi cu an nguh kho lailo. Zeiruang tiah cun raltuknak lei thilri ah an hmanmi phaisa nihcun ramdang a phanh khawh tilo ruangah asi.

2. America (tichunglut tinbaw 74). America nihcun 1900 kum ah khan USS Holland minin tichunglut tinbaw an rak ser hnuah tuah cun mahnak tha chinmi tampi an serchuah lengmang cang. America cu a pahnihnak chiah asikonain chanthar tichunglut tinbaw tambik angeitu ah cun pakhat nak asi.

1970-1990 kum chungah sermi LA Class raltuknak tichunglut tinbaw 40 hna cu tuni tiangah American ti chung ralkap hna nihcun an hman. Mah tinbaw cheukhat hnacu tuhrawng ral daih karlak teah hin chanthar he atlak ningin remh than an si.

3. China (ti chungltu tinbaw 69). Tuluk ram nihcun amah ukmi rili hna ven nak dingah ralkap thazang a chuah cuahmahtu asi. Tuluk ram tichunglut tinbaw hna nihcun an ram in ahlat tuknak hmun tiang a kal theu tawn. Tuluk ram tichunglut tinbaw nihcun America le Russia hna tichunglut tinbaw hna cu phanlo hmanhsehlaw chanthar fimnak hmangin nuclear le rocket tiangin a kah khawh thiam.

Tuluk ram nihcun Nuclear tichunglut tinbaw tlawmpal telawng ngei hmanhsehlaw, diesel-electronic ti chungltu tinbaw 50 tiang a ngeihmi nih hin tuluk ram tichunglut tinbaw thazang thawn ning cang alanghter.

4. Russia (tichunglut tinbaw 64). Russia tiralkap hna nihcun ram dang hna bantukin Soviet Union arak kehkuai ruangah 1990 kum hramthok hrawngah phaisalei harsatnak ruangah ralkap lei thazang arak thawn ter kholo. Mah hnu president Putin hruainak tangah ralkap thazang thawnter ahawng sii tuah cun vawleicung tiralkap tichunglut tibaw tambik angeitu pathum nak an phanh khawh cang.

Russia nihcun an tichunglut tinbaw dihlak hnacu nuclear tichunglut tinbaw ah aser dih hnalo i Kilo diesel-electronic tichunglut tinbaw 20 tiang cu hman cuahmah an si. Russia ram nihcun a hlun cangmi tichunglut tinbaw hnacu chanthar tichunglut tinbaw ah an thlen peng ruangah hin a rauh hlan ah mahnak dirhmun sang a phan kolai.

5. Iran (tichunglut tinbaw 31). Iran nihcun ralkap hmanding phaisa hnacu tiralkap hna thazang thawnter nak dingah nai kum thok khan an rak hman tawn ruangah tubantuk in a panganak dirhmun tiang a phanh khawhnak hi asi.

Iran tiralkap ah cun Russia chuak Kilo diesel-electronic pathum hnacu an tichunglut tinbaw hnalakah a thawngbikmi an si. Iran nihcun Persian Gulf hrawngah an tichunglut tinbaw hna cu an chiah tawn pinah ti chungah bomb kamhnak ah le anmah rak dohtu hna lehrulh nak hrangah an hman tiah theih asi.

6. India (tichunglut tinbaw 19). India ram nihcun Russia le Germany chuak diesel-electronic tichunglut tinbaw hna cu an ngeih hna. India ram nihcun rocket kap chuak khomi tichunglut tinbaw tiangin an serkhawh. India rilipi hrawng hrang hna ah an tichunglut tinbaw hnacu an um tawn.

India tiralkap hna nihcun nuclear kapchuak khotu tichunglut tinbaw serkhawh nak dingah tiin Russia Akula nuclear raltuknak tichunglut tinbaw cu an rak hlan. Sinain nuclear ti chungltu tinbaw sernak dingah cun phaisa tampi le can saupi tiang aherh ruangah tuah cun diesel-electronic tinbaw he lawng an um rih ko.

7. Japan (tichunglut tinbaw 16). Japan ram cu vawlei cung ralpi pahnih nak adih hnuah khan cun anram upadi ruangah ralkap thazang nih arak der manh tuk konain tuhrawng chanthar minung hna nihcun thazang athawngmi chanthar ralkap serdingin an izuam khawh cang.

Japan ram nihcun diesel-electronic tichunglut tinbaw hna an ngeihi 1994 kum lioah sermi ahlunbikmi tichunglut tinbaw le chanthar tichunglut tinbaw hna tiin phun hnih ah an then. Japan tiralkap nihcun a chuaktharbik tichunglut tinbaw Soryu Class an ngeihi mah nihcun hriamnam nganmi a kahchuah khawh pinah tichungah bomb zong a kamh khawh.

8. Israel (tichunglut tinbaw 14). A thawngmi tiralkap kong chimah cun Israel ram cu a telve hrim hrim tawn. Israel tiralkap konglam cu fawibaitein theih khawh asilo. Rocket hna le tichunglut tinbaw tiangin angeitu ram asi.

GFP ahcun Israel nihcun tichunglut tinbaw 14 angeih tiah tarlangh asi. Israel tichunglut tinbaw hna lakah Germany chuak Dolphin Class hna cu diesel-electronic tichunglut tinbaw an si hna i nuclear ralthuam tiangin a phur khotu le a kapchuak khotu an si.

9. Turkey (tichunglut tinbaw). Turkey ram cu Germany chuak tichunglut tinbaw hnacu Germany hnuah tambik angeitu ram asi. Turkey ram tichunglut tinbaw hnacu Type 209 diesel-electronic tichunglut tinbaw hna an sii mah phun cu atambik zong asi.

Turkey tiralkap sinah a hnubik aphanmi tichunglut tinbaw Type 209 diesel-electronic tichunglut tinbaw nihcun Harpoon tinbaw in rak kahmi rocket hna hmanh arak kah khawh. Type 209 hnacu Germany chuak Type 214 diesel-electronic tinbaw hmangin thlen an timh cuahmah lio asi.

10. South Korea (tichunglut tinbaw 14). South Korea nihcun diesel-electronic tichunglut tinbaw 14 tiang angeih. Mah hna lakah 12 hnacu Germany chuak Type 209 an sii a dang pahnih hnacu anmah ram chuak Type 214 phun tichunglut tinbaw hna an si.

Mah Type 214 phun tichunglut tinbaw hnacu serchap an timh rih ruangah a rauh hlanah cun mahnak dirhmun sang an phanh lai tiah ruah asi. Mah Type 214 phun tichunglut tinbaw hna nihcun tichungah bomb tiangin akamh khawh pinah tinbaw in anrak kahmi rocket hna zong arak kap khotu asi. Crd; Vapual Thawngzamhnak

Be First to Comment

Leave a Reply

Your email address will not be published.