Press "Enter" to skip to content

Vice President Henry Van Thio MAH sinah rian atuan I thlahlawh ala rih timi hi Ka Zumh kho lo

Ka Zumh kho lo Vice President Henry Van Thio MAH sinah rian atuan I thlahlawh ala rih timi hi. VP Jessypa cu Rallokap sinah riantuan rih, thlahlawh zong ala rih tiah Social Media ah arak kai. A tuan le tuan lo zong fiang tein an langh ter fawn lo. Comment cheukhat ah thah uh ti tiang an ti pah tikah, VP Jessy pa thah ah MAH kan tei khawh lai maw ti tiang khua ka ruah.

Laimi Lungput ngai hi ka ti. Kannih NLD an kan huattu hna nih an ti i asiko tiah ka ti than. VP thah an ti ahcun Dr. Ngun Cung Lian, Pu Ngun San Aung le Pu Kyaw Ngin te pawl tu hi pei thah deuh ding asi cu tiah ka zailen. Jessy Pa cung ah kutthlah ding cu ka ruat khawh bak ve lo.

VP VT cu Lami huham le limhang asi caah thah cu chimlo, acung ah kut par thlah ding asi lo. Akong chia zong ceih ding hrim hrim asilo. Anun khuasa ding tu ah thlacam piak ding khi laimi le Krifa zumhtu rian deuh asi. Asi awk zong asi fawn. VP Henry cu Laimi le Lairam cuaisan tu asi.

Dr. Andrew Ngun Cung Lian, Pu Ngun San Aung, Pu Kyaw Ngin belte Laimi khur thuk pi ah tlakpi tu an si. Cucaah VP Henry sining hi tha deuh in kan hlat piak uhlaw atha lai. Biafiang loin le Thawng fiang loin nan tial ko rua tiah kan ruah ko hna caah. Henry Van Thio cu Amay Suh nih adawt I Dr. Andrew te cu a huat hna.

Ca nan tial ning in a va si sual zong ah Amay Suh mithmai zoh in VP cung ah kutpar thlah sawh hlahuh tiah kan nawl ko hna. Kawl miphun nih Amay Suh an upat bantukin Laimi Upat hmaizah awk cu Henry Van Thio lawng aum tihi philh hrim hrim hlah uh Laimi vialte nih. By_ Zingtincuai Cinzah

Yangon ramṭhen, Palek zung in CDM tuahtu, caan karlak Palek Bawi (Yee- Hmu) Tin Myin Htun i a inn cu ralhrang nih an chuh i february 7 zanlei sang ah an kharpiak, tiah Tin Myin Htun inn umnak N. Okkala-pah peng i a ummi tualchung mi hna nih an chim.

Yangon ramṭhen Press le palek ah Palek Bawi si mi Tin Myin Htun cu kan hnu january thla khan ralhrang uknak tang rianṭuan a duh ti lo caah CDM a tuah i a ṭuannak Palek zung in rank sang hna lak ah CDM tuah hmasa bik a si.

Kum 31 chung palek a ṭuan cang mi zong a si. Palek Bawi Tin Myin Htun cu CDM a tuah bak in a chungkhar he hmundang ah an i thup i, A inn an kharpiak mi a theih ah, “Dohthlennak a dih tik ah an ka kharpiak mi ka inn ah zalong tein ka um ṭhan te lai,” tiah a chim. the chin post

Be First to Comment

Leave a Reply

Your email address will not be published.