Mizoram Mamit District Kawrthah khua pawng K.Sarali khua ah Pi Zonunthari ( kum 50 ) nih a pasal Pu Bhriso ( kum 59 ) cu vom lak in a nunnak a chanh tiah thawngtheih a si. An lo lei ah ngatlai ding in an kal i, Vom lian taktak mi sumh 6 nih an pa cu ruahlo tuk in a van zuanhnawh colh i a zawnh colh ko. A pa nih cun, nam ai ken mi in a rak tuk ve ko nain, Vom nih cun, a tengh colh i, a keng, a lu a hmai ti bantuk cu a kheuhpiak dih. Culio ah cun an nu Pi Zonunthari nih pe 30 hrawng hlat i a um nak in, a rianran nak in a van zuanhnawh i Vom cu a hnulei in a tuk chih ve.
Vawi 20 hrawng bak duh chung in vom cu a thuat chih len i vom zong nih a celh bak ti loh si lai, a um nak hmun in rul lei ah a va zam diam ve. Pi Zonunthari nih cun a rianran khawh chung in anpa a thihnai chuak mi vialte cu a hnawhpiak dih hnuah inlei ah cun a tlunpi colh. An khua in sizung a tha mi a neih cem nak Kawrthah sizung ah vom nih a seh mi mi an pa hliamhma cu an thitpiak. A hnar le a Mit cu Kawrthah sizung i an thit khawh lo ruangah Aizawl pituh sizung panhpi a si i cu ka ah cun an va thitpiak.
March 8 ah khan an thitnak hri pawl cu an phoihpiak i tu ahcun Pu Bhirso zong a damtha tuk cang. February 18 i thil cang mi a si i a pasal a dam cak hnu March 19 lawngah nu raltha Pi Zonunthari konglam vialte cu media aah langhter a si.
Be First to Comment