We Love Yangon phu in mithi kong a fiang taktak lo

We Love Yangon phu in mithi kong a fiang taktak lo
==============================
Yangon Ramthen, Mingalar Taungnyunt Peng, Kandawlay Sang, lam No. 91, We Love Yangon phu Zung cu Ralkap le Palek nih an luhhnawh hna lio ah Chin nu (Mizo) Zuali cu inn dot 5 cung in a tla i a thi, tiah theih a si. Hi kong hi Media dangdang nih an tial ning aa dang cio. Cheukhat nih meithal in an kah hnu ah an nam i a tla an ti. Cheukhat nih aa thuhnak hmun in a tla an ti. Cheukhat nih Siibawi a si an ti i Nurse a si a ti mi an um.

Kum 35 a ti na, kum 30 a ti na an si. Thawngfiang taktak a um rih lo. Ralkap nih an ruak an zawnh i anmah motor in an kalpi. We Love Yangon phu cu mi bawmchantu an si. An Zung ah an luhhnawh hna i mizapi bawmhnak an chiah mi an laak. Meithal zong an puah, tiah Khit Thit Media nih a langhter. The Hakha Times