Press "Enter" to skip to content

Yangon Chin Upa Hna Nih Chinland Foundation Nih Oxygen Plant Onnak An Tuah

Chinland Foundation nih Oxygen Plant honnak Yangon um Chin upa hna sawm in tuah
=============================
The Hakha Times| 2022 January 18, Chinland Foundation riantuannak Chinland for Chin Lives Program hmang in Yangon khua ah tangka sing 2000 renglo dih in 40 liter pawl ni khat ah dur 78 leng a rawn kho mi Oxygen Plant an bunh mi cu nihin January 18 ah honnak siseh, Pathian sin pekchanhnak siseh, an tuah.

May be an image of 1 person, standing and text that says 'OXYGEN PLA Chinland Foundatio င်ထံ ကျေးဇူးတော်ချီးမွမ်း ဘုရာ'

Tutan Oxygen seh tuah nakding ah chawva lei in bawmchantu Dr. Hla Aung (Tuluk+Kawl) le a hawile an i tel kho i Yangon um Chinmi upa bochanmi hna an tling. Cun, hlasakthiam Esther Dawt Chin Sung le Laldinthari (Lal Din Tha Yi) hna nih an telpi fawn hna. Yangon khua ah bochanmi Chinmi 400 tluk an i tel kho. Chin COVID-19 Rescue Team (CCRT) upa hna, All Chin Society (ACS) upa hna, Lai Chiatthat Bu, Yangon (LCB) upa hna, Khrihfabu kip in Pastorte le bochanmi upa tampi an i tel kho.

Hi Oxygen Plant hi Yee Shin Company he hnatlak in bunh mi a si i N. Dagon Believes Church Myanmar Central Office pawng ah hrambunh in seh hun a si cang. “Hi Plant hi Chinmi caah nunnak chanhchuahtu Pathian thluachuah si hram ko seh, ti hi kan thlacamnak a si.

May be an image of 4 people, people standing, balloon and indoor

Hi project tlam a tlin khawh nakhnga ngeihchiah chawva, ruahnak le thlacamnak in a kan telpitu nan dihlak cung ah lunglawmhnak chim cawklo kan ngei. Vawlei tuanbia ah ralpi le raipi tiin kan ton hna. Vawleipi nih a ton bantuk in Myanmar rammi zong nih kan ton ve i abik in Chinmi pasaltha hna nunnak tampi a liam.

Cucu, lungfah bu le tei khawh nakding i sehchih bu in Chinland Foundation nih hi thil kan tawlrel mi hi a si. Miphun kan himnak caah si hram ko seh,” tiah Chinland Foundation President Rev. NC Thawng Tha Thang nih a chim.

May be an image of 1 person and standingChinland Foundation hi ralzaam hna le COVID-19 he pehtlai in Chinland for Paletwa, Chinland for Tedim, Chinland for Rakhine, Chinland for Cikha le Chinland for Chin Lives tiin ralzaam hna bawmhnak ah siseh, COVID-19 mizaw bawmhchanhnak ah rian a tuanmi an si, tiah kan theih. Crd; The Hakha Times

Be First to Comment

Leave a Reply

Your email address will not be published.