Mah thawngpang hi kan hnu deuh ah kawlram chungah a rak lar ngai mi le a lisa ngai mi a si. Hi a tanglei i kan chiahmi video hi a luancia mi kum ah Yangon khuachung ah YBS Bus chung i thil a cangmi a si i , a rak can lio ah cun mipi nih theihcio a rak silo caah a dai ko nain a video a hmutu mi tam deuh nih an rak share than cio tik ah mipi nih an hmuh than i mi zahnak zong angeilo mi vaipa hi kawl mipi nih an soisel ngai ngai i a thar in a hot ngaimi video bantuk in an van share than cio.
Kawl nungak pakhat a rian in a tin lei ah taxi hlan nak phaisa angeihlo caah Bus in a lawi i Bus chung ah cun thutnak a lawn nak ah a thu ve . A pawng ah vaipa (kawl kala) pakhat a dir i kawl nungak nu zong cu siarem lo ngai in vaipa dirnak pawng ah cun a thu ve . Kawl nungak nu nih cun a kut in nithawng aa ken mi cu a thunak hram ah cun a tun i ka kut in a tlaih pah.
Vai (kawl kala) pa nih cun kawl nungak nu i a nithawng tun mi cu a remlo i a ke in a chuih a chuih piak . Nungak nu nih van leh sehlaw kut a thlak colh ding bantuk khin a muihmai a put caah nungak nu cu dai tein a um . Kawlram ah hin nupawl company nih harsa ngai in rian a tuanmi tampi an um i an rian tuan nak lei ah an kal ah siseh an kir lei ah siseh BUS chung ah buainak tete an tong lengmang.
Nai te ah kawl nungak pakhat zong rian in a lawi lei ah YBS Bus chung thiam ah pa pakhat nih a kut in a taksa a tonghtham ruang ah a tap bu in mithli he live a thlah i mipi an thinhung tuk cio . Tutan zog hi Vaipa (kala) nih hin a mah ram ah maw a rel hnga nupawl zawnruahnak le zahnak zong a ngei lo tiah mipi nih hi video hi an share i an thinhun nak an langter cio.
Video a tanglei ah kan van thil chih.
Be First to Comment