Yangon Khuachungah Thil A Cang Bel Lo Mi Chin Mipi Thawng Nn A Cang,Cucu Laimi Kan Hmelchunh Nak Asi Mi Vakok Vate A Run In Chin Ram Laitlang Lei In Yangon khua chungah a va lut
khua ruah har taktak a si mi thil cu,tuni ah laimi kan hmelchunhnak vakok tampi cu laitlang lei chin ram lei in Yangon khuachung ah an hun lut hna,vakok hi pakhat hnih lawng si loin tam nawn pi a run in khuachungah an hun zuang tikah a hmu tu hi an khau ruah ahar tuk i, atu bantuk in hi thil hi Yangon khua chungah a cang bel lo ti ah thei asi.
hi ti bantuk in vakok Yangon khuachungah an hun luh hi a voikhatnak thil a cang mi si tiah an chim chap,cu tik an khua ruah a har tuk i,hi kan Dohthlennak ahhin teinak mipi nih kan hmuh khawh nak ding caah chin ram in a thok ko lai ti zongah zumhnak an neih chih,cu lawng si loin vakok hna cu khuachung ah an um peng i an zuang duh ti lo,cucaah Yangon khuachung hi laimi Chin mi nih kan uk te lai ti zongah an chim chap.
vaoko vate cu Laimi kan hmelchunh nak vate a si i,laitlang in va zuang riangmang i Yangon khuachungah an va luh hi cu,khua ruah har lo awk a tha lo,Dohthlennak ah kan Chin mi nih luatnak kan hmuh hrimhrim lai ti hi a fiang ko,a ruang cu vakok cu kan hmelchunhnak vate asi i,teinak kan hmuhnak ding thlam asi hrimhrim ko ti hi ell awk atha lo.
Thawngpang dang…Mandalay ramṭhen, Mogok peng, Pingpyit khua ah a um mi primary sianginn cu ong ding in ralhrang nih an theihter hna i, an on tik zong ah Sianginn a kai lo mi cu ‘nan inn kan khangh lai,’ tiah ralhrang nih hramhram in a kan ti, tiah khua mi pakhat nih a chim. “Sianginn kai ding in kum a tling cang mi pohpoh cu sianginn nan kai lai. Nan kai lo ahcun nan inn kan khangh lai.
Phunghram 505 chirhchan in tlaih nan si lai, an kan ti,” tiah khua mi pakhat nih a chim. January 21 ah Pingpyit primary sianginn uk(Head-master) Daw Pan Nuh Kyay le cachimtu pawl cu Mogok khua i ralkap bawi le Pingpyit khua ah a um mi ralkal senthum Zaw Naing Thun nih sianginn ong ding in an chimh hna, tiah theih a si.
Sianginn headmaster cu CDM a tuah mi a si i, sianginn na on lo ahcun kan in tlaih lai an ti, tiah khua mi pakhat nih a chim. January 22 ah Pingpyit khua cu ‘innkhat minung pakhat meeting kai ding, a kai lo mi cu dantat nan si lai i nan inn kan in kharpiak hna lai,’ tiah ralhrang nih hramhram in an ti hna. Meeting tuah lio ah khualuh le khuachuah lam cu an khar i, sianginn kainak ding ca ah committee an dirh. khuabawi zong a thar in ralhrang nih an thim, tiah theih a si.
Sianginn headmaster zong thlahlawh hlam ding in an chimh pinah a Identity Card zong an laakpiak tiah theih a si. Ralhrang nih hramhram in January 24 ah Pingpyit khua primary sianginn cu hun a si i, sianginn aa ap mi minung 120 hrawng an si. Cu chung in minung 30 hrawng lawng sianginn an kai, tiah khua mi pakhat nih a chim. Pingpyit khua cu Mogok in meng 8 aa hlatnak ah a um mi khua a si. Mogok khua chung ah a um mi siangsangrun pali cu on a si cang i siangngakchia dihlak uniform hruk lo in an kai, tiah theih a si.
