Press "Enter" to skip to content

ZRA Phu Nih Sualnak A Nei Lo Mi Khuami Pakhat Cu An Velh!

Chin ramkulh Tidim peng Ngalbual khua ah March 12 zanlei sangah an rak lut hna i, minung pakhat an kawl nain an hmuh lo caah Ko Mung kum 27 cu an velh tiah theih a si.Ngalbual khua cu Manipur tiva ral khatte lei ah ummi a si i, Tidim khuapi he meng (20) tluk aa hlat i, India ram he aa naih deuh.

ZRA phu minung (20) tluk cu khua chungah an hung lut i, mino pakhat i inn chungah lut hratin an kawl nain an hmuh lo caah Ko Mung lehlam an velh. Zeiruangahdah an kawl timi zong theih a si lo tiah khuami pakhat nih a chim tiin Zalen nih a tial.

RELCHAP..Windwin Khuapi Ah Palek Nih Mipi An Hrem/An Velh!Mandalay ramthen Windwin pengah SAC ralhrang ralkap nih phaisa phalh in lentecelhnak hmun pawl cu zalong tein tuahnak nawl an pek hna pinah mipi hna zong an hrem/an velh i, phaisa an hal tiah khuami nih DNA ah an chim.

Phaisa phalh in lentecelhnak tuahtu pawl cu nifatin ti awkin khua lengah an um hna i, arkhuang thuatternak, phe an kah, hmun khat ah phaisa sing (7) cio an hal hna i, cuticun langhngan bakin an tuah tiah theih a si.
Cupinah Pintalay sakhan-hmu le cuka hmunhma controltu Kyaw Ye Kyaw Min Oo, Corporal Than Zaw le a kuttang hna nih mipi hna cu ningcang loin an tlaih hna hnuah phaisa an hal i, cuticun an thlah than tiah an chim.

Cuka hmunhma controltu Kyaw Min Oo nih March 12 ah khuami pakhat cu Shoe War kedanh na bunh tiah a benh, lakphak dawrah a thumi mino hna zong kan in zumh hna lo tiah tlaih hratin phaisa an hal hna i, phaisa an pek hnuah an thlah than hna tiah mipa pakhat nih DNA ah a chim.

Be First to Comment

Leave a Reply

Your email address will not be published.