Press "Enter" to skip to content

ZRA Ralkap Minung 20 Hrawng Nih Khuami Pakhat An Velh

Zomi Revolutiom Army(ZRA) hriamtlai phu hna cu Chin ramkulh, Tedim peng, Ngalbual(ငလ်ဘွာလ်) khua ah March 12, zaanlei ah khuachung ah lut in mi pakhat an kawl mi ngei i, an kawl mipa cu an hmuh lo caah an kawl mipa i a nupi ṭapa Ko Mung, kum-27 cu an velh, tiah theih a si.

Ngalbual khua cu Manipur tiva nitlaklei ah a um i, Tedim he meng 20 tluk aa hlatnak hmun ah a um mi khua a si. cu khua cu India ram he aa naihnak hmun khua pakhat zong a si.

Ngalbual khua mi pakhat nih cun, “ZRA minung 20 hrawng cu khuachung ah an lut i, mino pakhat an kawl, an kawl mi minung cu an hmuh lo caah a nupi ṭapa cu an velh. An kawlmi pa cu zeiruangah dah an kawl kan hngal rih lo,” tiah a chim. ZRA pawl nih an kawl mipa le an velh mipa hi an min langhter an si lo. Credit: The Chin Post

Nikhat chungah covid-19 mizaw thar 490 hmuh a si, zawtnak aa chawnhmi 605,000 leng an si. 2022 March 14 – Myanmar ram ah nikhat chungah covid-19 mizaw thar 490 deng hmuh a si caah zawtnak aa chawnhmi minung 605,347 an um tiah SAC tang Ministry of Health nih March 13 zaan ah a thanh. Mah cazin hi zarhkhat chungah zawtnak a ngeimi a zaa leng lawng hmuh a si nain March 13 ah mizaw thar 640 leng hmuh chap a si. Shan ram, Yangon ramṭhen, Kachin ram hna ah zawtnak aa chawnhmi an tambik tiah a langhter.

Mah mizaw hna hi CDM nih on mi sizung le siikhan pawl i zohfelmi telh loin ralkap kuttang ah a ummi sizung ah zohfelmi lawng a si caah a fiangmi cazin theih khawh a si lo. Ministry of Health nih a thanh ning ahcun, a luancia sml 24 chungah laboratory sample 14,220 check a si i zawtnak a ngeimi 487 hmuh chap a si tiah tial. Zawtnak in a dam cang i siizung a ṭum cangmi hi 1,164 an si.

Covid-19 zawtnak in a thimi 3 an um chap caah a thimi an zapi te 19,409 tiang an phan cang. A luancia 2021 December 28 ah UAE ram, Dubai khua ah bawmhchannak vanlawng in a rak lutmi Myanmar rammi 4 sin in omicron zawtnak rungrul hmuh a si . A tulio Myanmar ram ah, SARS-CoV-2 Variant Omicron zawtnak rungrul a ngeimi 350 deng an um cang tiah SAC tang Ministry of Health cathanhnak in thawng theih a si. The Chinland Post

Be First to Comment

Leave a Reply

Your email address will not be published.