Press "Enter" to skip to content

Zuu Ding A That Lo Nak Cu A Fiang Chin Lengmang Ko Hih! India Ram Ah Zu Chia An I Din Sual Caah Minung 28 An Thi, Minung 120 Leng

India Ram Ah Zu Chia An I Din Sual Caah Minung 28 An Thi. India ram nitlaklei ah Chemical in sermi zu an din ruang ah minung 28 an thi i minung 60 leng cu fahtuar in an um tiah țuanvo ngeitu hna nih July 26 ah an chim.

Hi bantuk in thihnak cu Gujarat ramkulh Ahmedabad le Botad khuapi hna ah a cangmi a si i cu ramkulh ah zu chuan le zuar an khap nak hmun a si.

Tu bantuk in thil a cangmi ah hin zu an serchuah nak ah hin zei bantuk chemical thilri a hman ti cu fiang in kan thei kho rih lo tiah nawlngeitu Mukesh Parmar nih a chim.

Gujarat ramkulh, Palik bawi Ashish Gupta nih a tu bantuk in thli tein zu an zuarnak kong he pehtlai in lunghrinh mi hna cu kan tlaih hna i kan hren ko hna tiah a chim.

Phungning lo in zu chuanmi an din ruangah an thih nak cu India ram ah a cang bik mi man fawi tein a tha a pin nak caah zu chung in rungrul thahnak sii hna le Chemical thilri hna an cawh tiah theih a si.

Phungning lo in zu a zuar mi hna zong ngunkhuai pek lo in sifak mi hna cu zu manfawi tein an zuarh hna i cu bantuk in phungning lo in zu a chuangmi le a zuarmi hna cu India ramchung ah tangka tampi a chuahpi kho tu sehzung riantuan nak a si tiah theih a si.

2020 kum ah India ram chaklei Punjab ramkulh ah a thianghliam lo mi zu an din ruang ah minung 120 leng an thi bal cang . Credit; The Chin Post

Relchap; “Pathian Kan I Bochan Lai.Asinain Pathian Nih Chim Lo Mi Bia Phuan Lo Dung!!! Bible Biakamhlun chung kan rel i kan zoh lengmang tikah,Jehovah Pathian nih an sinah bia a phuan mi minung hi a dangte an si tawn i,cu hna sin ahcun,Jehovah nih cun an tawn ding mi le an tuah ding mi thil tete cu a chim phuan tawn i,a chimphuan tawn ning i an um le an cawlcangh ahcun bia a petu hna nih a ti hna ning in teinak an hmu tawn.Asinain Jehovah nih a fial hna nalo in a mah lungchuak i a chim ve mi an um tawn caah an chimphuan mi cu a tlam a tling bal lo.

Cucaah Jerimiah 23 chung khi rel hmanh uh!23:21,lebang ahcun,”Hi profet hna hi ka thlah mi an si lo,asinain a tlik in an tli:Bia zeihmanh ka chim hna lo,asinain,heh tiah an chim.tiah a ti ko khih.

Izip ram in Mosess nih a chuahpi hna lio ah khan an hmai ah Rilipi nih a kham hna,an hnulei ah le Izip ralkap nih anmah that dingin an rak dawi fawn hna,kha lio ah khan Mosess sinah Jehovah nih bia a chim i,”Mosess na tthiangthunh kha hler a ti i Mosess nih a tthiangthunh cu van lei hoih in a hler i a khamtu hna rilipi cu a lai in ai cheu i,

Israel mi hna cu leiro cung kal in an kal.Hi lio ah Izip ralkap pawl cu Rili lai ahcun an ra cutmat i culio ahcun Jehovah nih”Mosess na tthianghunh kha hler a ti tthan i rilipi ti cu ai ciip tthan caah Izip ralkap hna cu an rangleeng he rilipi ti nih a fenh dih hna.

Israel mi zong kha a mi hna sinah Jehovah nih bia a chim i,Jeroko kulhnak cu ni 6 chung nikhat ah voikhat lengmang in an hal lai i,a ni 7 nak belte ahcun voi 7 nan hel lai i,cu ahcun Jeiko kulhnakpi cu a cim lai i a chung i a um mi nan ral hna cu nan tei ko hna lai ti khi a si.A ti hna bantuk in an tuah i khuapi kulhnakpi cu a cim taktak i a chung i a um mi an ral cu an tei ko hna.

Hibantuk tthiam hin Gedion sin zongah Jehovah nih bia a chim i,a chimh ning cun a tuah caah a ralkap tlawmte he an ral cu an tei hna,kha lio ah khan,Gedion nih khan a hmasa deuh i a ruahnak,a ralkap a pumh mi hna 32,000,he khan an ral kha dironh hna selaw an sung hrimhrim lai.Israel mi kha an ral doh ding kong ah khan kal lo dingin a dikmi profet nih cun a ti,asinain a diklo mi nih kal kha a fial hna i,an thi viar deng khah.Hihi Jehovah bia a kal ning taktak cu a si.

Jehovah Pathnian ram caa le kan miphun le ram caa i kan ttuan cuahmah lio ah hin diknak le Pathian bochannak in kan ral a tthat i kan ral hi kan doh hna ding a si.A tu kan doh mi hna hi,Chin Land le Chin miphun ca lawng a si lo ti kan ifian a herh,,,cucu zeidah a dang cu a um?Khrih kan biaknak hrawh a kan timtu le a kan hrawk cuahmahtu kha Khrih Jesuh i bochannak in kan dih kha a herh mi pei a si cu…KHB…ah khan,”Khrihfa ralkap mi hna dohnak ah kal u,a ti khah,hi kan dih mi hi,Pathian le Chin ram caah tiin si kan doh,kan doh mi hi kan fiang huaha lo hlah maw tiawk in a um mi kan tam pah hi a poi ngai ngai.

Hikong ah biasiphai le thawhlawm hmanlo ding tibantuk hna a rak buaipi mi kan um rih mi hi ralchiat pakhat ah ka hmuh mi hna an si.Nambar 13 chung kha hei rel hmanh uh! Kanaan ram ngiatu an thlah mi hna chungin mizei nih dah thinphannak le ttihnak a chim i,thihnak a ton i,mi zei nih dah ralttha tein a ton mi cu a chim i,a chim ning bangin an ral cu an va tei hna kha nan hmuh ko lai.

Note:Ka hnathlam ah hin bia a ratnak hi asau ngaingai cang,asinain hi ka sinah bia a ra mi hi keimah lungchuak men hna a si ahcun kan miphun ralkaap lam sullam ngeilo ah ka paamter men hna lai ti ka phaan caah ka chim rih lem lai lo.Thla tu ka cam ko rih lai.Ka pehthan te lai.Kailawm… Credit: Tin Duh Thang

Be First to Comment

Leave a Reply

Your email address will not be published.